Jólakort til styrktar byggingarsjóði Little Bees

Nú getið þið verslað jólakortin um leið og þið hjálpið til við að byggja nýtt skólahúsnæði fyrir litlu skjólstæðingana okkar í Little Bees.  Jólakortin eru 5 saman í pakka og kostar einn pakki 500 kr., 2 pakkar 800 og 3 pakkar kosta 1100.

Áhugasamir hafi samband við Brynhildi í síma 8632228, eða á netfangið er [e-mail].

Prentsmiðjan Litróf styrkti verkefnið rausnarlega með því að gefa okkur prentunina á kortunum og Gólfþjónusta Íslands ehf gefur okkur umslög og umbúðir, þannig að hver einasta króna sem safnast, rennur til byggingarsjóðsins.

Eins og þið sjáið á myndinni hér fyrir neðan, er skólahúsnæðið  komið vel á veg, en enn vantar herslumuninn til að klára glugga, frágang á þaki, veggjum og gólfi.

Ef þið eruð í vandræðum með jólagjöf handa þeim sem eiga allt, er hér auðvitað komin lausnin fyrir þig.  Við seljum gjafakort sem segir viðtakanda að peningagjöf hafi verið gefin í hans nafni til styrktar þessu málefni.  Sjá nánar á slóðinni: http://byflugur.blog.is/blog/byflugur/entry/714886/

 

Þó að húsnæðið virki nú kannski ekki merkilegt á okkar mælikvarða, er það mikil bót frá því sem áður var, eins og sjá má af myndunum hér fyrir neðan.