Gjafirnar komnar í hendur barnanna

Hér koma myndir frá heimsókn Kjartans til Little Bees, en hann kom færandi hendi með pakka til fósturbarnanna, frá stuðningsforeldrunum á Íslandi. Myndirnar má sjá hér: http://byflugur.blog.is/album/2009_gust/.

 Má til með að láta fylgja mynd af henni Belindu litlu. Á myndunum sem ég hef séð af henni hingað til hefur hún virst vera alvarlegasta barn í heimi, með allar áhyggjur heimsins á herðum sér. Það eru fjórar myndir af henni á slóðinni hér fyrir ofan og hún er svo ánægð með gjafirnar sínar að brosið bókstaflega gæti lýst upp heila borg

Takið þið bara eftir þessari mynd: http://byflugur.blog.is/album/2009_gust/image/887201/ , hún er tekin í nýja bókasafninu sem búið er að byggja í pínulítilli viðbyggingu við skólann. Mér finnst þetta algjörlega stórkostlegt, fyrir tveimur til þremur árum voru börnin að læra á moldargólfum í litlum gluggalausum kofum, með bókstaflega engin kennslugögn. Nú eru þau komin með skólahús (þó það sé nú ekki fullklárað) og bókasafn í þokkabót. Mér hefur nú oft fundist vöntunin á öllu þarna vera slík að mér hafa bara fallist hendur, en það er á svona stundum sem þetta verður allt þess virði.

Verð líka að hafa litlu fyrirsætuna hana Macrine hérna, sem fer í pæjugírinn fyrir myndatöku í nýju fötunum sínum.

... og svo fyrir þá sem vilja leggja okkur lið í að hlúa að börnunum í Little Bees, bendi ég á upplýsingar hér: http://byflugur.blog.is/blog/byflugur/entry/524870/   ... og hér: http://byflugur.blog.is/blog/byflugur/entry/159972/

Íslendingar í slömminu

Nokkrir sjálfboðaliðar frá Íslandi heimsóttu Little Bees skólann. Lesið endilega bloggið þeirra þar sem sagt er frá upplifun þeirra af staðnum: http://kindverjar.blogspot.com/. Þau kalla Mömmu Lucy hetju í hæsta gæðaflokki

Lucy sendi mér myndir af heimsókn Íslendinganna. Þær má sjá hér: http://byflugur.blog.is/album/2009_gust/

 

Næsta ferð til Kenía

Til stuðningsforeldra:

Kjartan Jónsson fer til Kenía á þriðjudaginn í næstu viku og er tilbúinn að fara með bréf og pakka fyrir okkur til fósturbarnanna í Little Bees.

Tiltektardagur

Hér er mynd af íbúum Madoya hreinsa til í umhverfi sínu. Lucy sagði íbúunum að skíturinn í umhverfi þeirra hefði hjálpað til við að leggja börnin fjögur sem létust í kólerufaraldrinum að velli og að allir ættu að hjálpast að við að gera umhverfi sitt heilsusamlegra.

Litli skólinn okkar er að verða alvöru skóli :)

Snillingurinn hún Lucy er, ásamt sjálfboðaliðum úr hverfinu, búin að reisa bókasafn fyrir Little Bees skólann. Hún notaði hluta af síðustu mánaðargreiðslum til þess að kaupa bækur í bókasafnið. Litli skólinn sem við erum að hjálpast að við að koma upp, er að verða alvöru skóli. Þegar við byrjuðum var kennt í litlum gluggalausum hreysum með moldargólfi og engin kennslugögn til staðar. Nú er húsið komið upp, þó að við eigum auðvitað eftir að safna dálítið meira til að ganga frá öllum lausum endum og ofan í kaupið kominn vísir að bókasafni.

Er lífið ekki dásamlegt stundum

Skýrslur um fósturbörnin

Kæru stuðningsforeldrar, hér eru komnar skýrslur um börnin og bréf og myndir frá þeim sumum.

Hér eru bréf og teikningar: http://byflugur.blog.is/album/2009_juli/ 

Hér fyrir neðan eru skýrslur um börnin, ýtið á litla merkið fyrir framan nafnið og þá á skjalið að birtast.

Skrár tengdar þessari bloggfærslu:

• Agnes
• Amos
• Belinda
• Calvin
• Loice
• Macrine
• Marion
• Mohamed
• Nelius
• Nicole
• Silvance
• Sylvia
• Tracy

Myndir af börnunum sem létust

Hér eru myndir af börnunum fjórum sem létust í kólerufaraldrinum sem mörg börn sem stunda Little Bees skólann urðu fyrir barðinu á.

Emmanuel Baraza var bara rétt orðin tveggja ára. Faðir hans var í fangelsi, en hann bjó hjá ömmu sinni. Hann stundaði Little Bees skólann, en var stundum lítill í sér og grét og spurði um ömmu sína. Hvíldu í friði Emmanuel.

 

 

 

 

 

 

 

 

 

 

 

 

 

 

Hér er svo mynd af Job Wakoko, hann náði 6 ára aldri áður en kóleran tók hann. Hvíldu í friði Job. 

 

 

 

 

 

 

 

 

 

 

 

 

 

 

 

 Hér er mynd af Joseph Osore. Hann var 7 ára gamall og munaðarlaus. Hvíldu í friði Joseph.

 

 

 

 

 

 

 

 

 

                  Að lokum er hér mynd af Mirriam Makeba, hún var lífsglöð og hamingjusöm lítil stúlka, sem stundaði Little Bees skólann, eins og hin börnin. Hvíldu í friði Mirriam.

 

 

 

Hér (http://byflugur.blog.is/album/Fosturborn/) eru myndir af fleiri börnum í Little Bees sem vantar stuðningsaðila og hér (http://byflugur.blog.is/blog/byflugur/entry/524870/) eru upplýsingar um söfnunarreikninga fyrir mismunandi verkefni varðandi börnin og skólann.

Á ennþá jafn vel við og þá!