Lísa Achieng hefur fengið stuðningsaðila

Það var ekki lengi gert. Lísa litla er búin að fá stuðningsaðila frá Íslandi, það eru hún Íris Sævarsdóttir sem ætlar að styðja Lísu. Lísa er svo heppin að hún eignast í leiðinni stóran bróðir á Íslandi sem heitir Patrik og er jafn sætur og hún. Patrik á líka aðra systur í Mósambik. Kærar þakkir Íris.

 

Gestir í Little Bees

Hér eru nokkrar myndir af sjálfboðaliðum sem voru að störfum í Kenía nýlega. Heimamönnum til mikillar gleði gistu þau í kofanum í slömminu eina nótt, auðvitað án rafmagns og rennandi vatns, með orðum Lucy: " Iam sending you the pictures taken by our friends who spend their night at Madoya slums as we without fearing even having locking their door with huge lock. it was wonderful pictures are coming soon you shall be pleased , and even the picture they took at night in darkness climbing upper stairs at Littlebees,
Send my love and hug to them, they enjoyed African style of living and dirty toilets, just imagine!
best regards
mama Lucy"

http://byflugur.blog.is/album/2010_april_gestir_i_lb/

Litlu Lísu Achieng vantar stuðningsaðila

Þessa dýrðlegu litlu stúlku, sem hér hefur verið dubbuð upp í skólabúning Little Bees skólans, vantar sárlega stuðningsaðila. Faðir hennar var einn af 10 mönnum sem lést þegar hann var við vinnu í byggingu sem hrundi yfir þá. Móðir Lísu ásamt tveimur systkinum var nýlega borin út úr kofahriflinu sem hún leigði í slömminu, vegna þess að hún gat ekki greitt leiguna. Með orðum Lucy þvær móðir Lísu nú andlit hennar með tárum sínum.

Spínatframleiðsla í Little Bees

Þessar yndislegu konur sem búa í slömminu og reyna að alefli að hlúa að börnunum í kringum sig, eru byrjaðar að rækta spínat, kalla þetta "urban farming" - til þess að börnin í Little Bees skólanum geti fengið nýtt og ferskt grænmeti að borða.

Af myndinni að dæma virðist mold vera komið fyrir í pokum og spínatið látið vaxa út um göt á pokunum. 

Þetta eru náttúrulega bara snillingar.

Wao na fikra (þetta þýðir þær eru snillingar á Swahili, eftir því sem google translate segir mér).

 Nú eru komnar fleiri myndir, grænmetið byrjarð að vaxta: http://byflugur.blog.is/album/2010_april_buskapurinn/ 

Skýrslur um fósturbörnin í Little Bees

Kæru stuðningsforeldrar. Hér koma nýjar skýrslur með fréttum af yndislegu fósturbörnunum ykkar í Little Bees. Einhverjir hafa verið veikir frá því síðast, en allir hraustir núna, nema Cynthia sem berst við hvítblæði. Lucy hefur smá von um að hún fái meðferð frá Bandarískum læknum sem væntanlegir eru til Nairobi. Amos litli berst auðvitað ennþá við hjartagalla, en ég heyrði þær góðu fréttir um daginn að ef til vill tækist að safna fyrir aðgerð fyrir hann. Hér eru svo nokkrar myndir: http://byflugur.blog.is/album/2010_april_skyrslur/

Skrár tengdar þessari bloggfærslu:

• Agnes - Ragnhildur og Katla
• Belinda - Magga Stína og Borge
• Brynhildur - BJ
• Christine - Sigrún og Mark
• Cynthia - Dóra Kristín
• Garvin - Silla og Andrea
• Calvin - Inga
• Loice - María
• Macrine - Rosa
• Marion - Brynhildur
• Mohamed - Friðsemd
• Nelius - Hanna
• Nicole - Halldora
• Robin - Inga Kolbrun
• Saga - Amos
• Silvance - Beggi
• Silvia - Jóhanna og Sigurður
• Tracy - Lára
• Vivian - Sigrún og Mark

Fréttir af skólabyggingu

Við sendum 220 þús. sem söfnuðust með jólakortasölu til Kenía fyrir nokkru. Þessi fjárhæð gerði um 117 þús. keníska shillinga. Þessi fjárhæð dugir ekki til þess að klára efri hæðina og stigann sem liggur utan á húsinu, til þess vantar ennþá um 83 þús. keníska shillinga, en þetta kemur þótt hægt fari. Skólabyggingin, þó ókláruð sé, hefur skipt sköpum fyrir skólastarfið og við hættum ekki fyrr en skólinn er kláraður

Af Little Bees er allt gott að frétta. Skólastarfið hefur legið niðri, eins og það gerir alltaf í mars. Það er regntímabil og rignir upp á hvern dag, með flóðum og drullu sem því fylgir alltaf. Engar fréttir af veikindum sem betur fer.

 

Ég set hérna kvittun fyrir þeim hluta peninganna sem búið er að koma í lóg nú þegar og myndir af framkvæmdum af efri hæð.